पवना बंदिस्त जलवाहिनी प्रकल्पाला मावळ मधील शेतकरी आणि विविध संघटनांकडून सातत्याने विरोध होत आला आहे. २०११ मधील आंदोलनात तीन शेतकऱ्यांचा मृत्यू झाल्याने हा प्रकल्पाचा विषय मावळच्या राजकीय आणि सामाजिक स्मृतीत संवेदनशील राहिला आहे.दरम्यान २०२६ मध्ये प्रकल्पाचा विषय पुन्हा चर्चेत आला असून,  घरविस्तापित्यांचे पुनर्वसन आणि प्रकल्प रद्द करण्याची मागणी पुढे आली आहे.स्वाभिमानी शेतकरी संघटनेचे नेते राजू शेट्टी यांनीही यामध्ये प्रस्तावक आंदोलनाची भूमिका घेतली आहे.

या पार्श्वभूमीशिवाय आमदार सुनील शेळके यांच्या पत्रकार परिषदेत नेमकी कोणती भूमिका मांडतात,याकडे सर्वांचे विशेष लक्ष आहे.यापूर्वी २०२३ मध्ये शेळके यांनी प्रकल्पग्रस्त शेतकऱ्यांना विश्वासात घेतल्याशिवाय काम सुरू करू नये अशी भूमिका मांडली होती.

आजच्या पत्रकार परिषदेत प्रकल्पाबाबत राष्ट्रवादीची अधिकृत भूमिका, शेतकऱ्यांच्या मागण्याबाबत पक्षाची दिशा आणि पुढील कृती कृतीचे संकेत मिळतात का, याची उत्सुकता निर्माण झाली आहे.पत्रकार परिषदेनंतर पवना जलवाहिनीच्या प्रस्तावाला कोणते नवे राजकीय वळण मिळते हे स्पष्ट होणार आहे.

डिजिटल वार्ता

संपादक : पूनम निकम

digitalvarta.co.in/

The post आमदार सुनील शेळके यांच्या भूमिकेकडे मावळचे लक्ष पवना बंदिस्त जलवाहिनीवर राष्ट्रवादीची भूमिका आज स्पष्ट होणार! appeared first on डिजिटल वार्ता.

तळेगाव दाभाडे : गणेशोत्सवाच्या पवित्र, चैतन्यमय पर्वात, भक्ती आणि संस्कृतीचा संगम साधणारा श्लोक पठण हा सांस्कृतिक कार्यक्रम तळेगावातील नामवंत सोसायटी नम्रता आयकॉनिक येथे अभूतपूर्व वातावरणात व उत्साहात संपन्न झाला.आजच्या डिजिटल युगात कृत्रिम बुद्धिमत्तेच्या वेगवान प्रवाहात आपल्या प्राचीन संस्कृतीची, संस्कारांची आणि मूल्यांची मुळे बालमनावर रुजावी,हा उत्कट हेतू ठेवून या  कार्यक्रमाचे आयोजन करण्यात आले होते.

AI च्या या आधुनिक युगात जिथे बालपण स्क्रीन आणि गॅजेटच्या जगामध्ये हरवत चालले आहे,अशा काळातही आपल्या मुलांना आपली भारतीय संस्कृती, अध्यात्म, श्लोक पठण याची आवड निर्माण करून देणे, ही अत्यंत भूषणावाह बाब आहे. यासाठी सर्व पालकांचे मनःपूर्वक कौतुक आहे.

या स्पर्धेसाठी लाभलेले परीक्षक श्री.सागर महामुनी यांनी अत्यंत निष्पक्ष व सुंदर परीक्षण केले.त्यांनी सर्व स्पर्धकांचे कौतुक करत त्यांना उच्चार,स्वर-लय आणि सादरीकरण यासंबंधी सोप्या भाषेत मार्गदर्शन केले. त्यांच्या या अमूल्य  मार्गदर्शनामुळे सर्व स्पर्धकांचा उत्साह द्विगुणीत झाला.

श्लोक पठण निकाल पुढीलप्रमाणे :

Jr.Sr Kg ‘अ’ गट

बिंद्रा कोणार-प्रथम क्रमांक

गार्गी पत्की-द्वितीय क्रमांक

स्पृहा जावळे-तृतीय क्रमांक

१ ते ४ ‘ब’ गट

लक्षिता मुळे-प्रथम क्रमांक

तन्वी शिंदे-द्वितीय क्रमांक

दुर्वा खडतरे-तृतीय क्रमांक

५ ते ९ ‘क’ गट

सर्वेश देशमुख-प्रथम क्रमांक

रुचिता लंके- द्वितीय क्रमांक

रिदिमा पाटील- तृतीय क्रमांक

कार्यक्रमाच्या यशस्वीतेसाठी उत्सव कमिटी मधील श्री. मंदार पाटील, सौ.श्रुती शिंदे, सौ.अश्विनी नलावडे, श्री. विपिन व श्री जावळे काका यांनी विशेष परिश्रम घेतले.

पाहुण्यांचे स्वागत आणि सूत्रसंचालन सौ.पुनम निकम यांनी केले,तर आभार सौ.श्रुती शिंदे व सौ.अश्विनी नलावडे यांनी मानले.

गणेश उत्सवाचे औचित्य साधून सोसायटीमध्ये आयोजित केलेल्या श्लोक पठण सोहळ्यामुळे,वातावरणात दिव्य ऊर्जा निर्माण झाली. स्पर्धकांच्या मुखातून उमटणाऱ्या वेद मंत्रांच्या आणि श्लोकांच्या पवित्र ध्वनीने संपूर्ण आसमंत सात्विक, पुण्यश्लोक,चैतन्यमय आणि पावन झाला.

डिजिटल वार्ता

संपादक : पूनम निकम

digitalvarta.co.in/

The post नम्रता आयकॉनिक सोसायटीमध्ये श्लोक पठण स्पर्धा भक्तीमय वातावरणात संपन्न! appeared first on डिजिटल वार्ता.

पवनानगर: पवना धरणग्रस्तांच्या गेल्या अनेक वर्षांपासून प्रलंबित असलेल्या विविध पुनर्वसन मागण्यासाठी २ ऑक्टोबर रोजी जलसमाधी आंदोलन पुकारण्यात आले आहे. या आंदोलनाच्या पार्श्वभूमीवर धरणग्रस्त भागात व्यापक जनजागृती मोहीम सुरू करण्यात आली असून, पवना धरणाच्या पायथ्याशी पवनेच्या पाण्याचे विधी व कलश पूजन करून या मोहिमेचा शुभारंभ करण्यात आला.

धरणग्रस्तांच्या प्रलंबित प्रश्नांकडे प्रशासनाचे आणि सरकारचे लक्ष वेधण्यासाठी हा पवित्र कलश आता गावागावांत नेला जात आहे.कलश दर्शनाच्या माध्यमातून नागरिकांशी थेट संवाद साधून, २ ऑक्टोबरच्या जलसमाधी आंदोलनात मोठ्या संख्येने सहभागी होण्याचे आवाहन धरणग्रस्त संघटनेतर्फे करण्यात येत आहे.कार्यक्रमादरम्यान उपस्थितांनी मागण्या मान्य होईपर्यंत लढा सुरू ठेवण्याची शपथ घेतली आहे.

धरणग्रस्तांच्या प्रमुख मागण्या पुढीलप्रमाणे: 

१) कायदेशीर पुनर्वसन: ९ मे १९७३ च्या आदेशानुसार धरणग्रस्तांचे पुनर्वसन करावे.

२) रोजगार सवलत: धरणग्रस्तांच्या वारसांना पिंपरी-चिंचवड महानगरपालिकेत ५% नोकऱ्या राखीव ठेवाव्यात.

३) नागरी सुविधा: पुनर्वसन करण्यात आलेल्या गावठाणांमध्ये मूलभूत नागरी सुविधा पुरविण्यात याव्यात.

४) ई-निविदा रद्द करणे: आपटी-गेव्हंडे येथील पवना धरणाच्या जमिनीची भाडेतत्त्वावरील निविदा प्रक्रिया तात्काळ रद्द करावी.

५) यादीतील त्रुटी दुरुस्ती: जमीन खातेदारांच्या अधिकृत यादीतील त्रुटी दूर करून ती दुरुस्त करण्यात यावी.

या जनजागृती मोहिमेत आणि कार्यक्रमास पवना धरणग्रस्त संघटनेचे अध्यक्ष नारायण बोडक, बाळासाहेब मोहोळ, जमीन हक्क परिषदेचे अध्यक्ष ज्ञानदेव सोनवणे, रविकांत रसाळ, मारुती दळवी, राम कालेकर,संजय मोहोळ, दत्तात्रय ठाकर, किसन खैर, लाला गोणते, अमित कुंभार, नारायण कालेकर, सीताबाई डोंगरे, दत्तात्रय घरदाळे, सुनील काळे, सुधीर घरदाळे, अर्जुन भिवडे, नवनाथ राऊत, संतोष राऊत, शांताराम पाठारे, रमेश कालेकर, माऊली गोणते, राजू वरघडे. करुणाताई सरोदे, दिनकर शेटे, तानाजी पडवळ, अशोक जाधव यांच्यासह अनेक प्रमुख कार्यकर्ते व धरणग्रस्त नागरिक मोठ्या संख्येने उपस्थित होते. वारंवार पाठपुरावा करूनही ठोस निर्णय होत नसल्याने धरणग्रस्तांमध्ये तीव्र असंतोष पसरला असून,आता २ ऑक्टोबरच्या आंदोलनाची जोरदार तयारी सुरू आहे.

डिजिटल वार्ता

संपादक : पूनम निकम

digitalvarta.co.in/

The post पवना धरणग्रस्तांच्या जलसमाधी आंदोलनाची जनजागृती सुरू. appeared first on डिजिटल वार्ता.

दिनांक 3 -9- 2026 गुरुवार ला पी. एम.श्री.जिल्हा परिषद विद्यालय कामरगाव येथे रानभाजी खाद्य महोत्सव आयोजित करण्यात आला होता.आपल्या परिसरातील उपलब्ध होणाऱ्या रानभाज्या हा एक मोठा खजिना असतो. रानभाज्या ह्या रानात आपोआप उगवणाऱ्या असतात. त्यावर फवारणी, खत, कीटकनाशक नसतात त्यामुळे ती आरोग्यदायी असतात. अशा रानभाज्यांची विद्यार्थ्यांना ओळख व्हावी,ती खाण्याची आवड निर्माण व्हावी म्हणून रानभाजी खाद्य महोत्सवाचे आयोजन करण्यात आले होते.
हडसन, अंबाडी, चवळी, शेवगा ,करलकोसला,फांदी, वावडिंग पत्री,सुरणकंद,अरवी,पुदिना, चिंच, बोर करवंद, शेरण्या ,ओव्याचे पान समुद्रशोक, आंबटचुका, अंबुशी, केना, चमकुरा ,कटुले अशा एकूण 22 प्रकारच्या रानभाज्या विद्यार्थ्यांनी बनवून आणल्या होत्या. ज्वारी, बाजरी, नाचणी, अंबाडी, पातळी वाटी, मिश्र पाच धान्यांची भाकरी, फांदीची भाकरी, शेवग्याच्या पानांचे पराठे अशा विविध भाकरी ही विद्यार्थ्यांनी बनवून आणल्या होत्या. सोबतच करवंदाचे लोणचे ,करवंदाची चटणी ,मुरब्बा, बोराची चटणी ,पुदिना सरबत, करवंद सरबत, चिंचेची आमटी, शेवग्याची सूप असेही प्रकार होते.यावेळी सर्व विद्यार्थी आणि पालक,शिक्षक यांनी रानभाज्यांचाही आस्वाद घेतला.गेल्या आठ वर्षांपासून हा उपक्रम मी सातत्याने राबवते आहे. तणनाशक फवारणीमुळे बऱ्याच रानभाज्या आजकाल उगवत नाही. येणाऱ्या पिढीला रानभाज्यांची माहिती व्हावी आणि त्यांचे महत्त्व समजावे.आरोग्य चांगले राहावे यासाठी हा प्रयत्न आहे.

नीता तोडकर (खाडे)

डिजिटल वार्ता

संपादक : पूनम निकम

digitalvarta.co.in/

The post रान भाज्या खाद्य महोत्सवाचे पी. एम.श्री.जिल्हा परिषद विद्यालय कामरगाव येथे आयोजन! appeared first on डिजिटल वार्ता.

ध्वनिप्रदूषणाला आळा घालण्यासाठी डीजे सारख्या मोठ्या आवाजाच्या यंत्रणांना विरोध करताना,
मोठ्या जोशात पारंपरिक ढोल-ताशा वाजवणाऱ्या तरुणींचे मातृत्व धोक्‍यात येत असल्याची धक्कादायक माहिती समोर आली आहे. अवजड ढोल तासन्‌तास कंबरेला बांधल्याने गर्भाशयावर ताण येऊन गर्भधारणा होण्यात अडचण येत असल्याचे तज्ज्ञांच्या निदर्शनास आले आहे.

नऊवारी साडी, कपाळावर चंद्रकोर, नथ, मराठमोळे दागिने आणि डोक्‍यावर तुर्रेदार फेटा घालून ढोल-ताशा वाजवणाऱ्या तरुणींमध्ये एक वेगळीच ऊर्जा जाणवते. नववर्ष स्वागतयात्रा, गणेशोत्सव, शिवजयंती आदी कार्यक्रमांत ढोल-ताशा पथक दिसतात. वाद्ये पारंपरिक असली तरीही त्यातून निघणाऱ्या ध्वनी लहरींचा जसा ऐकणाऱ्यांच्या कानांवर विपरीत परिणाम होतो, तसाच तो वादकाच्या शरीरावरही होत असल्याचे एका संशोधनातून स्पष्ट झाले आहे. अंदाजे दहा-पंधरा किलोचा ढोल कंबरेला बांधून तासन्‌तास वाजवणाऱ्या तरुणींच्या गर्भाशयाला धक्के-हादरे बसून गर्भाशय कमकुवत होत असल्याने भविष्यात गर्भधारणेत अडचणी येत असल्याची धक्कादायक माहिती पुण्यातील नामवंत श्रवण तज्ज्ञ डॉ. कल्याणी मांडके यांनी ‘सकाळ’ला दिली. डॉ. मांडके यांनी ध्वनिप्रदूषणावर केलेल्या अभ्यासातून हे निरीक्षण नोंदवले आहे.

ढोल-ताशे वाजवण्याचा फार मोठा दुष्परिणाम दुर्लक्षित राहिला आहे. ही वाद्ये कंबरेला किंवा पोटाला बांधलेली असतात. त्यांची मूलभूत वारंवारता (फंडामेंटल फ्रिक्वेन्सी) २० हर्टझपेक्षा कमी आहे आणि ती शरीराला अपायकारक आहे, याची नोंद घ्यायला हवी. याचे दुष्परिणाम कालांतराने दिसून येतात. खासकरून तरुणींना याचा सर्वाधिक त्रास होऊ शकतो, असेही डॉ. मांडके यांनी सांगितले.

ध्वनिक्षेपकांच्या भिंतींना आळा घालणे ज्याप्रमाणे अत्यावश्यक झाले आहे तसेच आता परंपरागत वाद्यांबाबतही विचार व्हायला हवा. ढोल-ताशेही ध्वनिप्रदूषणास तितकेच कारणीभूत ठरतात. त्यामुळे त्यांच्याही आवाजाच्या पातळीची नोंद व्हायला हवी. वाद्य किती वेळ वाजवायचे, त्यांची संख्या किती हवी, वादन सुरू असताना मध्येच विश्रांती किती घ्यावी, याचाही विचार आवश्‍यक आहे. यासंदर्भातही न्यायालयीन पातळीवर दखल अपेक्षित आहे.

– डॉ. कल्याणी मांडके,
श्रवण तज्ज्ञ.

डिजिटल वार्ता

संपादक : पूनम निकम

digitalvarta.co.in/

The post ढोल-ताशा पथकातील तरुणींचे मातृत्व धोक्‍यात.. appeared first on डिजिटल वार्ता.

तळेगाव दि.६: तळेगाव MIDC पोलिस ठाण्याच्या हद्दीतील भंडारा डोंगर परिसरात रविवारी दि.६सप्टेंबर रोजी सुमारे दीड वर्षांची मुलगी सापडली आहे. डोंगरावरील आसपासच्या परिसरात तिच्या पालकांचा व नातेवाईकांचा शोध घेण्यात आला; मात्र ते आढळून न आल्याने पोलिसांनी मुलीला ताब्यात घेतले असून, पुढील कायदेशीर कारवाई सुरू आहे.

मंदिराकडे जाणाऱ्या डांबरी रस्त्याच्या डाव्या बाजूला असलेल्या बदामाच्या झाडाखाली ही मुलगी आढळून आली. तिचे वय अंदाजे दीड वर्षे असून वर्ण सावळा, केस व डोळे काळे, नाक सरळ आहे.उंची सुमारे दोन फूट असून,वजन अंदाजे १० किलो आहे.

मुलीच्या अंगात पांढऱ्या रंगाचा फ्रॉक असून त्यावर लाल, पिवळ्या व गुलाबी रंगांच्या रेषा आहेत. केस निळ्या रबर बँडने बांधले असून कपाळावर लाल टिकली लावलेली आहे. मुलीच्या हातात, गळ्यात, कानात, नाकात कोणतीही मौल्यवान वस्तू नाही.

ह्या वर्णनाची मुलगी कोणाच्या परिचयाची असल्यास किंवा तिच्या पालकांविषयी माहिती असल्यास तळेगाव MIDC पोलीस ठाण्याशी संपर्क साधण्याचे आवाहन पोलिसांनी केले आहे.

संपर्क :

तळेगाव MIDC पोलीस ठाणे :८१०८८००३८१

पोलीस उपनिरीक्षक विशाल नवगिरे:७७५६०५०२६५

डिजिटल वार्ता

संपादक : पूनम निकम

digitalvarta.co.in/

The post भंडारा डोंगर परिसरात अज्ञात मुलगी आढळली; पालकांचा शोध सुरू. appeared first on डिजिटल वार्ता.

दहीहंडीसाठी आयोजकांनी केलेली आकर्षक सजावट आणि श्रीकृष्णाचा पेहराव परिधान केलेले बाळ-गोपाळ सर्वांचेच लक्ष वेधून घेत होते. कार्यक्रमाचे मुख्य आकर्षण ठरलेली दहीहंडी फोडण्यासाठी सोसायटीमधील लहान मुलां-मुलींच्या संघामध्ये मोठी उत्सुकता पाहायला मिळाली.या दरम्यान आयोजकांनी मुलांच्या सुरक्षिततेला सर्वोच्च प्राधान्य दिले,व त्यांच्या देखरेखेखाली “गोविंदा रे गोपाळा” म्हणत सोसायटीमधील मुलींनी व मुलांनी दहीहंडी फोडली.हंडी फुटतात संपूर्ण परिसरात चैतन्याचे वातावरण निर्माण झाले.

ह्या सोहळ्यामुळे सोसायटीमधील एकोपा, आनंद आणि सणासुदीचे चैतन्य पाहायला मिळाले. लहान मुलांच्या कलागुणांना वाव देणारा आणि पारंपारिक संस्कृतीची ओळख करून देणारा हा कार्यक्रम यशस्वी करण्यासाठी राधाकृष्ण जावळे, प्रसाद जावळे, आदेश कालेकर, शामराव काळे, हिंदुराव शिंदे, बिपिन विश्वनाथन, नितीराज निकम, गोरख खापे,काळे काका आणि उपस्थित सदस्य आदींनी विशेष परिश्रम घेतले.

डिजिटल वार्ता

संपादक : पूनम निकम

digitalvarta.co.in/

The post तळेगाव दाभाडे येथील आयकॉनिक सोसायटी मध्ये दहीहंडी कार्यक्रम उत्साहात संपन्न! appeared first on डिजिटल वार्ता.

पत्रकारांच्या विविध व्यावसायिक व व्यक्तिगत अडचणींना संघटितपणे वाचा फोडणे आणि पत्रकारांच्या समस्यांचे निराकरण करणे,तसेच ज्येष्ठ पत्रकारांचा समृद्ध अनुभव आणि नवोदित पत्रकारांमधील उत्स्फूर्त  ऊर्जा यांचा एकत्रित समन्वय साधत,संघटनेचे कार्य अधिक प्रभावीपणे करणे.ही प्रमुख उद्दिष्टे व भूमिका यावेळी व्यक्त करण्यात आली.

कार्यक्रमासाठी असोसिएशनचे अध्यक्ष डॉ.जयपाल पाटील सरचिटणीस संजय जोशी, पुणे शहर अध्यक्ष मिलिंद वैद्य, सचिव चंद्रकांत कांबळे तसेच विविध नामांकित वृत्तपत्रांचे पत्रकार मोठ्या संख्येने उपस्थित होते.

उपस्थित सर्व पदाधिकारी व पत्रकारांनी विजयराव सुराणा यांचे पुष्पगुच्छ देऊन अभिनंदन केले.आणि त्यांच्या आगामी पत्रकार हिताच्या कार्यासाठी व पुढील वाटचालीसाठी त्यांना मनःपूर्वक शुभेच्छा दिल्या.

डिजिटल वार्ता

संपादक : पूनम निकम

digitalvarta.co.in/

The post सीनियर जर्नलिस्ट असोसिएशनच्या उत्तर पुणे जिल्हाध्यक्षपदी विजय सुराणा यांची बिनविरोध निवड! appeared first on डिजिटल वार्ता.

पत्रकारितेच्या संघटनात्म मजबुतीसाठी आणि कामशेत शहर व परिसरातील विविध सामाजिक प्रश्नांना प्रभाविपणे वाचा फोडण्यासाठी पत्रकार संघाची भूमिका महत्वाची ठरणार असल्याचे यावेळी उपस्थित मान्यवरांनी सांगितले.

नूतन कार्यकारिणी खालीलप्रमाणे :

अध्यक्ष -गणेश लालगुडे

उपाध्यक्ष-रमेश शिंदे(सारा न्यूजचे प्रतिनिधी)

सचिव -महेंद्र ओव्हाळ(संपादक-जागृत मावळ)

सक्रिय सदस्य -सलीम शेख, सचिन मोरे, संजय गायकवाड, विलास गायकवाड, सारिका लालगुडे आणि मंथन मोरे.

मान्यवर,पत्रकार उपस्थिती व सत्कार :

अखिल भारतीय मराठी पत्रकार परिषदेचे विश्वस्थ एस.एम जोशी यांच्या हस्ते सर्व नवनिर्वाचित पदाधिकाऱ्यांचे शाल व पुष्पगुच्छ देऊन सत्कार करण्यात आला. या बैठकीत राज्याचे विश्वस्त शरद पाबळे, मावळ तालुका पत्रकार संघाच्या कार्याधक्षा रेखा भेगडे,सचिव महादेव वाघमारे, पत्रकार परिषद प्रमुख सुभाष भांडे, प्रकल्प प्रमुख दत्ता म्हाळसकर,ज्येष्ठ पत्रकार अमिन खान व विजय सुराणा, प्रा. ऋषिकेश लोंढे, मयूर सातपुते, अनिस शेख, विद्या अडसूळ, पूनम निकम, ऍड. संजय पाटील,सुनील म्हस्के, संतोष थिटे, मनोज मोरे आदी मान्यवर उपस्थित होते.

पत्रकारितेचा विस्तार आणि भूमिका :

पत्रकारिता हे केवळ बातम्या देण्यापूर्ती मर्यादित न राहता समाजातील विविध घटकांच्या समस्या शासन आणि प्रशासनापर्यंत पोहोचविण्याचे प्रभावी माध्यम असल्याचे यावेळी नमूद करण्यात आले.तसेच ग्रामीण आणि शहरी भागातील नागरिकांच्या मूलभूत प्रश्नांना वाचा फोडताना, स्थानिक पत्रकारांना एकत्र आणून त्यांच्या अडी-अडचणी सोडवण्यासाठी व सामाजिक बांधिलकी जपण्यासाठी कामशेत शहर पत्रकार संघ कटिबद्ध राहील असा विश्वास नूतन पदाधिकाऱ्यांनी व्यक्त केला.

डिजिटल वार्ता

संपादक : पूनम निकम

digitalvarta.co.in/

The post कामशेत शहर पत्रकार संघाच्या अध्यक्षपदी गणेश लालगुडे; नूतन कार्यकारणी जाहीर.. appeared first on डिजिटल वार्ता.

संघाच्या कार्यालयात पार पडलेल्या या विशेष बैठकीत ज्येष्ठ पत्रकार अमिन खान यांची तळेगाव दाभाडे मराठी पत्रकार संघाच्या अध्यक्षपदी बिनविरोध निवड करण्यात आली. तसेच तालुका कार्यकारणी पदाधिकाऱ्यांचा सत्कार,तळेगाव दाभाडे आणि कामशेत येथील मराठी पत्रकार संघाच्या नूतन अध्यक्षांची निवड देखील जाहीर करण्यात आली.

कार्यक्रमामध्ये शरद पाबळे यांनी परिषदेच्या मागील ८६ वर्षांतील देश पातळीवरील कार्याची आणि व्याप्तीची माहिती दिली.

पत्रकारांच्या मागण्या,समस्या आणि त्यांच्यावरील उपायांसाठी शासन दरबारी केलेला पाठपुरावा,यामुळे मराठी पत्रकारांचा आत्मविश्वास उंचावला असल्याचे मनोगत नवनिर्वाचित अध्यक्ष अमिन खान यांनी व्यक्त केले.

तळेगाव दाभाडे मराठी पत्रकार संघाच्या कार्यकारणीत महाराष्ट्र लाईव्ह 1चे मुख्य संपादक तथा मालक दत्ता माळसकर, दैनिक सकाळचे विजय सुराणा,सतर्क महाराष्ट्र चॅनलच्या मुख्य संपादक रेखा भेगडे,लोकमत 18 चे अनिस शेख,लोकमत उर्से प्रतिनिधी प्रा.योगेश घोडके, मावळटेक चॅनलचे प्रमुख मयूर सातपुते,मावळदर्पणचे संपादक गणेश भेगडे, मावळ वार्ताच्या प्रतिनिधी विद्या अडसूळ, डिजिटल वार्ताच्या मुख्य संपादक पूनम निकम यांचा समावेश आहे.

संघाचे अध्यक्ष सचिन ठाकूर यांनी पाहुण्यांचे स्वागत केले. ज्येष्ठ पत्रकार विजय सुराणा यांनी प्रास्ताविकेतून तालुका मराठी पत्रकार संघाच्या कार्याची थोडक्यात माहिती दिली. तर प्रा.योगेश घोडके यांनी चालू वर्षातील नियोजित कार्यक्रमांची व उपक्रमांची रूपरेषा मांडली.

डिजिटल वार्ता

संपादक : पूनम निकम

digitalvarta.co.in/

The post तळेगाव दाभाडे मराठी पत्रकार संघाच्या अध्यक्षपदी ज्येष्ठ पत्रकार अमिन खान यांची बिनविरोध निवड! appeared first on डिजिटल वार्ता.